DE LA PARALYSIE

Cest accident icy est rare, mais qui arriue toutesfois comme i’ay ouy dire en quelques prouinces de la , France et de l’Allemagne , où il est assez familier. Il ne suruient pas aux fîéures violentes et aiguës , mais aux longues et chroniques : et si il ne vient pas directement de la fleure , mais de la colique qui suruient ausdites fléures longues. Car vne quantité de bile eschauffée et ardente s’amassant dans les veines dumesentere, et à l’entour de la vessie du fiel, si elle n’est euacuée par le bénéfice de la nature ou des medicamens , et qu’elle ne puisse estre consommée par la longueur de la fiéure, elle croupit dans les petites veines , où peu à peu s’eschauffant et se bruslant , elle tasche à trouuer quelque issue , ce que ne pouuant faire par les veines du mesentere, à cause des grandes obstructions qui y sont , elle se iette de furie sur les membranes de l’abdomen, qui sont parties grandement sensibles , là où elle excite des douleurs intolérables qui respondeiit au bas ventre , et qui apportent par interualles tantost des vomissemens bilieux , tantost des descharges de veplre porracées et

erugineuses.'En fin par trait de temps, après plusieurs remedes alteratifs et purgatifs ces douleurs s’appaisent:

mais il arriue qu’vne portion de l’humeur est portée par la continuité des membranes iusques à l’espine du dos, laquelle doucement et peu à peu se coule et s’insinue iusques à la moelle par les petits trous des vertèbres, où elle bouche les nerfs et les estoupe, empeschant que les esprits animaux n’y puissent auoir accès, d’où il s’ensuit vne paralysie, imparfaite toutesfois, d’autant qu’il n’y a que le seul mouuement qui est empesché, le sentiment demeurant en son entier.

A cest accident icy, il ne faut des remedes qui soient grandement eschauffans : il faut doucement et benignement purger le corps, et auec clysteres et auec purgatifs. On peutfaire des linimens le long de l’espine du dos , auec huiles qui raréfient et dissipent sans beaucoup de chaleur, de peur de faire fondre quelque humeur crasse et pituiteuse , ou l’attirer en ces parties là des lieux plus eslongnés, qui feroit une vraye et parfaite paralysie.

En se contentant de ces petits remedes là, on trouue que quelque temps après la nature trouue moyen de se deffaire de ses mauuaises humeurs , et redonne le mouuement au malade.