CHAPITRE XVI

DES VLCERES DE LA BOVCHE.

Les vlceres de la bouche , des Grecs sont dites ApMhœ , maladie familière aux petits enfans, comme il est noté au 3. liure des Aphorismes, Telles vlceres souuent commencent par les genciues, et cheminent iusqu’au palais , et en fin gaignent jusques à la luette et gauion , comme monstre Celse liure 6. chap. 11. Galien comm, du 3. des Epidémies , en fait de deux especes, dont les vnes sont assez traitables , les autres malignes et rebelles.

Lacause pour les petits enfans vient à raison de la délicatesse de leur bouche, estant mollasse , tendre et facile à exulcerer : ensemble aussi les excremens acres , dont s’ensuit vlceres malins.

Pour la guérison, faut euiter toutes viandes qui eschauffent : et si c’est vn nourrisson, faut que le lait de la nourrice soit rectifié par viandes refraichissantes , bains , et fomentations à ses mammelles d’eau tiede, comme commande Celse liure 6. chap. 11.

Et quant aux remedes Topiques ,

LE ONZIEME LIVRE

ayant esgard à l’aagc, faut vser de remedes qui opèrent promptement , attendu qu’ils ne peu uent demeurer longuement sur la partie vlcerée : et* pour ce ont besoin d’estre de subite operation , à fin qu’ils fassent en vn instant telle action , comme , s’ils estoient foibles , ils pourroient faire en vingt et quatre heures, demeurans tousiours sus la partie. Donc sil’vlcere est malin , sera touché d’eau forte esteinte ( dite eau de Séparation ) ou auecques la commune qui n’a serui , à laquelle on adioustera pour vne goutte d’icelle cinq ou six d’eau de fontaine ou de puits , plus ou moins selon la malignité. Aussi on pourra vser d’huile de vitriol, de soulphre d’antimoine , d’eau de sublimé, et autres semblables. Aëce veut que telles vlceres putrides soient corrigées auecques huile bouillante , trempant en icelle vn floc de laine attachée au bout d’vne esprouuette , puis l’appliquer sur la partie vlcerée, iusques à ce que de toute part elle apparoisse blanche, et que l’vlcere soit applanie.

Par ce moyen on arreste la corrosion de rvicere.et fait on que la chair saine s’auance pour remplir et couurir ce j qui est rongé et consommé. Apres telle cautérisation , on vsera d’vn tel gargarisme, lequel profitera aux vlceres non malignes.

Of. Hordei integ. p. j.

Plan, ceterac, pilosel. agrim. anatn. 3. Fiat decoct. ad tt». j in qua diss.

Mel. ros. B . ij.

Diamor. § . fi .

Fiat gargarism.

Semblables gargarismes peuuent estre faits d’escorce de grenade, ba lauste, sumac, bcrberis, roses rouges, y dissolu an t du diamorum et dianucwm auecques un peu d’alun. Galien

chap. 10. liu. 6. de la Méthode, dit que les vlceres de la bouche simples doiuent estre gueries par medicamens qui desseichent médiocrement, comme diamorum et dianucum, et que si elles sont autres, faut vser de plus forts remedes.

Lors que telles vlceres sont au palais , faut les traiter plus soigneusement, craignant que par la chaleur et humidité de telle partie , l’os estant rare et spongieux, il ne s’altere et corrompe : qui feroit qu’estant tombé, le malade parlerait regnauU , comme nousmonstrerons au Mared' Âdiouster ce qui defaut.

Que si l’vlcere est verolique , faut auoir recours à son alexitaire, qui est le vif-argent, laissant tous remedes communs.

Or souuent il y a des vlceres fistuleuses aux genciues, dont s’ensuit carie à la racine de la dent, et en fin l’vlcere pénétré par dehors comme sous le menton : ce qu’aucuns estiment estre escrouelles, estimans estre incurables, ne se pouuans guérir par aucun remede susdit. En telles vlceres faut suiure le conseil d’Aëce et de Celse,liure 6. chap. 13. qui est arracher la dent offensée ; car par ce I moyen on extirpera la fistule, la genciue s’abaissera, et ce qui reste de la curation sera plus facile, pource qu’il n’y auoit que la pourriture de la dent qui l’entretenoit.

Et quant est des vlceres de la langue, elles ne requièrent autres remedes que celles de la bouche ; vrai est , comme dit Celse liu. «. chap. 12. que celles qui sont aux costés sont plus difficiles à guérir , et qu’il faut prendre garde s’il n’y a point quelque dent aigiie qui lui touche, laquelle s’il estoit ainsi , la faudroit limer.

DES VLCEUIS, FISTVLES ET IIRMOnniIOlDES.