LE HVITIÉME LIVRE, DES PL.4.YES EN PARTICVLIER

lao

ou intérieures , les doigts de la main se doiuent tenir demi-flechis , en mettant dedans la main une pelote ou compresse. Car si on les tient droits et non courbés, ils demeureront quasi împuissans en leur action , qui est de prendre. Et aduenant que la main demeurast demi-flechie apres la curation, le malade s’en pourra encores aider à prendre diuers instruments, comme vne espée,picque,hallebarde, la bride d’vn cheual , et faire autres actions de la main.

S’il y a playe en la iointure de la hanche, on la doit tellement situer, que la teste de l’os femoris ne sorte ihors de sa place, qui se fera par bonnes compresses et ligatures. Le malade se tiendra couché sur le dos.

Quand la playe commencera à se consolider, on fera mouuoir l’os femoris dedans sa boëtte, à fin qu’il ne se face vne conionction de la teste dudit os contre la cauité de l’os Ischion , comme nous auons dit qu’il falloit faire du bras.

Si la playe est faite en la iointure du genoüil, on fera tenir la iambe du malade toute droite : car il ne pourroit bien cheminer apres , parce qu’il demeureroit boiteux L

1 Le traité de 1573 donnait un tout autre conseil :

« Si la playe est faicte en la ioinciure du genouil, on fera tenir la iambe du malade non droicte, mais vn peu courbée, car si elle demeuroit droite il ne pourrait bien cheminer : aussi si elle estait trop ployée, le malade serait fort boiteux , partant sera tenue im peu flechie ». pag. 600.

Les ioin turcs du pied et des orteils vulnerés , seront tenues droites , et non courbées et fléchies ; autrement l’on ne marcheroit pas bien.

Et pour le dire en vn mot, la situation de la iambe et du pied, est toute differente à celle du bras et de la main L