CHANSON XIX

Mauldicte soit la mondaine richesse.

Qui m'a osté m'amye et ma maistresse.

Las ! par vertu j'ay son amytié quise, Mais par richesse un autre Ta conquise : Vertu n'a pas en amour grand' prouesse.

Dieu gard de mal la nymphe et la déesse

Mauldict soit l'or où elle a sa liesse,

Mauldicte soit la fine soye exquise,

Le dyamant et la perle requise,

Puis que par eulx il fault qu'elle me laisse.

Le cueur de vous ma présence désire.

Mais pour le mieulx (belle) je me retire ;

Car sans avoir autre contentement

Je ne pourrois servir si longuement j

Venons au poinct, au poinct qu'on n'ose dire.

Belle brunette à qui mon cueur soupire. Si me donnez ce bien sans m'escondire.

Je serviray : mais sçavez vous comment De nuict et jour, trèsbien et loyaulment. Si ne voulez, je fuyray mon martyre.