CHANSON XXXI

(iS28)

Si j6 Yj on peine et langueur,

De bon gré je le porte.

Puis que celle qui a mon cueur

Languit de mesme sorte.

Tous ces maulx nous faict recevoir

Envie décevante, Qui ne permet nous entrevoir

Et d'en parler se vante.

Aussi Danger, faulx blasonneur,

Tient rigueur à la belle ; Car il menasse son honneur

S'il me veoit auprès d'elle.

Mais plus tost loing je me tiendray

Qu'il en vienne nuysance, Et à son honneur entendray

Plus tost qu'à ma plaisance.

CHANSON XXXIl

Changeons propos, c'est trop chanté d'amours

Ce sont clameurs, chantons de la serpette :

Tous vignerons ont à elle recours.

C'est leur secours pour tailler la vignette ;

0 serpilette, ô la serpillonnette,

La vignolette est par toy mise sus,

Dont les bons vins tous les ans sont yssus.

Le dieu Vulcain, forgeron des haults dieux, Forgea aux cieulx la^erpe bien taillante, De fin acier trempé en bon vin vieulx, Pour tailler mieulx et estre plus vaillante.

Bacchus la vante , et dit qu'elle est séante Et convenante à Noé le bon hom Pour en tailler la vigne en la saison.

Bacchus alors chappeau de treille avoit, Et arrivoit pour benistre la vigne ; Avec flascons Silenus le suyvoit, Lequel beuvoit aussi droict qu'une ligne ; Puis il trépigne, et se faict une bigne ; Gomme une guigne estoit rouge son nez ; Beaucoup de gens de sa race sont nez.