CHANSON XXXVII POUR LA BLANGHB

Pourtant si le blanc s'efface^ Il n'est pas à despriser; Gomme luy le noir se passe, Il a beau temporiser.

Je ne veulx point mespriser, Ne mesdire en ma revanche ; Mais j'ayme mieulx estre blanche Vingt ou trente ans ensuyvant.

En beauté nayfve et franche, Que noire tout mon vivant.

CHANSON XXXVIil

J'ay trouvé moyen et loysir D'envoyer Monsieur à la chassé ;

Mais un autre prend le plaisir, Qu'envers ma dame je pourchasse.

Ainsi pour vous, gros beufz puissans , Ne traînez charrue en la plaine ; Ainsi pour vous, moutons paissans, Ne portez sur le dos la laine.

Ainsi pour vous, oyseaulx du ciel, Ne sçauriez faire une couvée; Ainsi pour vous, mouches à miel , Vous n'avez la cire trouvée.