DB GUILLAUME CHANTBRBAU, HOMME DE GUERRE

Gy gist Guillaume en terre, Chantereau surnommé, Entre les gens de guerre Jadis trèsrenommé.

Bien vivant estimé.

Sans noyse, sans offense ; S'on l'avoit animé, Rude estoyt en deffense.

A plaisir et oultrance Si adextre on le vit, Que le Daulphin de France Finalement servit.

Mais la Mort le ravit En sa jeunesse meure :

A maint homme qui vit Grand regret en demeure.

Puis qu'il faut que tout meure.

S'en fault-il estonner ?

Etemelle demeure Dieu luy vueille donner.

460 CIMETIBBK

DB TROIS BNPANS FRBBBS

D'un mcsmc dard, soubs une mesme année,

Et en trois jours de mesme destinée,

Mal pestilent soubs ceste dure pierre

Meit Jean de Bray, Bonadventure et Pierre,

Frères tous trois, dont le plus vieil dix ans

A peine avoit. Qu'en dictes vous, Lisans ?

Cruelle Mort, Mort plus froide que marbre.

N'a elle tort de faire cheoir de l'arbre

Un fruict tant jeune, un fruict sans meureté,

Dont la verdeur donnoit grand' seureté

De bien futur? Qu'a elle encores faict ?

Elle a, pour vray, du mesme coup deflfaict

De père et mère espérance et liesse,

Qui s'attendoit resjouyr leur vieillesse

Avec leurs filz, desquelz la mort soudaine

Nous est tesmoing que la vie mondaine

Autant enfans que vieillards abandonne ;

Il nous doibt plaire, et puisque Dieu l'ordonne.