ELEGIE XIX

Tant est mon cueur au vostre uny et joinct. Qu'impossible est que l'ennuy qui vous poinct Ne sente au vif; mais si vostre constance Venoit à fieiire à l'ennuy résistance, Lors sortiriez de désolation, Et j'entrerois en consolation, En vous voyant n'estre plus désolée. Si n'ay je empris vous rendre consolée .En cest escript pour seulement oster Le mal que j'ay de vous veoir mal porter. Plus tost vouldrois, certes, qu'il fust permis Que vostre dueil avec le mien fust mis, Aymant plus cher avoir double destresse Que d'en veoir une en ma Dame et Maistresse; Mais le moyen plus souverain seroit Quand par vertu tel ennuy cesseroit.

La vertu propre en cestuy cas, c'est force, Qui dueil abat, et les tourmens efforce. Je ne dy point force de corps et bras : S'ainsi estoit, les toreaux gros et gras, Lyons puissans, elephans monstrueux, Seroient beaucoup plus que nous vertueux :

ELEGIES 20t

Ce que j'entens, c'est force de courage Pour soustenir d'infortune Torage Et résister à survenans malheurs.

N'est elle point parmy voz grans valeurs. Geste vertu? Si est abondamment :

Vueillez la donc mônstrer évidemment En cest ennuy. Les estoilles célestes Jamais ne sont que de nuyct manifestes ; Aussi constance en nous ne peult bien luire Qu'au temps obscur que douleur nous vient nuyre, Aux grans assaults acquiert on les honneurs, Et tant plus sont aigres ses blasonneurs, Plus le constant a de loz méritoire.

Si ne faut point sur eulx chercher victoire ; Hz se vaincront, tant sont ilz malheureux. Faisant tumber tous les blasmes sur eulx.

Mais qui est cil ne celle en cestuy monde En qui douleur par faulx rapport n'abonde ? Avant que nul jamais soit icy né, A ceste peine il est prédestiné ; Et tant plus est la personne excellente. Plus est subjecte à l'aigreur violente De telz assaults. Vous donques, accomplie De dons exquis, dictes, je vous supplie, Guydez vous bien fuyr les violences Des mesdisans avec voz excellences ?

Si vous voulez qu'on n'ayt sur vous envie, Ne soyez plus de vertueuse vie.

Ostez du corps ceste exquise beauté, Ostez du cueur ceste grand' loyauté ; Ne soyez plus sur toutes estimée, Ne des loyaulx serviteurs bien aymée ; Ayez autant de choses vitieuses Que vous avez de vertus précieuses ; Lors se tairont. Ha 1 chère et seule amye, Voulez vous estre envers Dieu endormie, De recevoir tant de grâces de luy Et ne vouloir porter un seul ennuy?

Ennuy (pour vray) n'est pas la pire chose Qui soit au cueur des personnes enclose : Petit ennuy un grand ennuy apaise»

%dî BLBGies

Bref, sans ennuy trop fade seroit Tayse, Et tout ainsi que les fades viandes Avec aigreur on trouve plus friandes^ Ainsi plaisir trop doulx et vigoureux, Meslé d'ennuy, semble plus savoureux.'

Et d^autre part, raison nous faict sçavoir QuMmpossible est de non tristesse avoir, Veu que tous ceulx qui le plus fort s'appuyent Sus leurs plaisirs, de leurs plaisirs s'ennuyent. Et deviendroit fascheuse leur liesse, Si quelquefois n'entrevenoit tristesse, Laquelle en fin se perd avec le temps, Dont en après sont plus gays et contons.

Or si ce dueil n'abbatez par vertu, Si sera il par le temps abbatu.

Mais la vertu de vous croire me faict Que ja le temps n'aura Thonneur du faict. Le temps est bon pour les douleurs deffaire De ceulx qui n'ont constance pour ce faire ; Mais vous, amye, avez en corps de dame Un cueur viril pour vous ester de Tame Vostre douleur mieulx qu'autre créature, Ne que le temps, ne que mon escripture.

En est il une en ceste terre basse Qui en tourment de tristesse me passe, Ou qui en soyt autant comme moy pleine ? Faire se peult; mais je croy qu'à grand' peine Se trouvera femme, en lieu ne saison.

Qui de se plaindre ayl si grande raison.

Dessoubz la grand' lumière du soleil Ne trouve point le phénix son pareil ; Et aussi peu je trouve ma pareille En juste dueil, qui la mort m'appareille.

Le phénix suis des dames langoureuses, A trop grand tort, voyre des malheureuses ; Et cil qui m'a tous ces maulx avancez Est le phénix des hommes insensez.

Las I je me pleins, non point comme Dido Frappée au cueur du dard de Gupido :

Ja ne m'orriez alléguer en mes plainctes Le mien amant, comme Sapbo et maintes, Mais mon mary, dont plus mon cueur se deult ; Car les amans abandonner on peult.

Et les marys, c'est force qu'ilz demeurent (Bons ou maulvais) jusques à ce qu'ilz meurent, Non que par moy luy soit mort désirée : Plustost vouldrois sa pensée inspirée A me traicter ainsi qu'il est licite.

Ou comme il doit, ou comme je mérite, Veu que mon cueur Tayme, l'honore et sert Gomme il conyient, et non comme il dessert.

Pas ne dessert avoir à sa commande Gest enbonpoinct et ceste beauté grande . Que m'a donné Nature à plein désir; Pas ne mérite au chaste li et 'gésir De celle là qui tant luy est féable.

Il ne fault pas qu'un œil tant agréable Luy soit riant, ne. que bouche tant belle, En la baisant, mary n'amy l'appelle ; Et neantmoins, suy vant Dieu et sa loy. De mon franc vuéil tous ces poinctz a de moy.

Mais cest ingrat tout mal pour bien me baille. Il a de moy le bon grain pour la paille, Humble doulceur pour fiere cruaulté, Loyalle foy pour grand' desloyauté.

Et pour chagrin toute amoureuse approche. Sans amollir son cueur plus dur que roche.

Le fier lyon dessus le chien ne mect Patte ne dent quand à luy se submect.

Les forts Rommains, quand Hz s'humilièrent Soubz Atilla, son cueur félon plièrent; Le noir Pluton, à fleschir mal aysé, Fut (par doulceur) d'Orpheus appaisé.

Tout s'amollit par doulceur trèsbenigne ; Et toutefoys la doulceur femenine.

Qui les doulceurs de ce monde surpasse. Devant les yeulx de mon dur mary passe Sans l'esmouvoir ; et tant plus me submels

Tant plus me sert d*estranges et durs mets. Par ainsi passe en cniautez iniques Lyons, tyrans et montres plutoniques.

Certes, quand bien je pense à mon malheur, Il me souvient du champestre oyseleur, Lequel, après que Toysellet des champs n a sceu prendre avec fainctz et doulx chantz, Le tue et plume, ou si vif le retient, Le mect en cage, et en langueur le tient. Ainsi (pour vray), fuz prinse et arrestée, Et tout ainsi (hélas!) je suis traie tée : Or si Toyseau mauldit en son langage (Comme dit Meung) cil qui le tient en cage, Pourquoy icy donques ne me plaindray je De ce cruel, qui chacun jour r'engrege Mes longs ennuyz? Le dueil qui est celé Griefve trop plus q\^e s'il est révélé; Parquoy le ,mien donc révélé sera ; Ma bouche au cueur ce grand plaisir fera. Et à qui, las! Sera ce à mon mary Que descharger iray mon cueur marry?

Non certes, non : rien je n'y gaigneroye. Fors qu'en mes pleurs plaisir luy donneroye. Et à qui donc? Doy je par amours faire Un serviteur, duquel en mon affaire J'auray conseil, et qui par amytié De mes douleurs portera la moytié?

L'occasion le conseille et le dit, Mais avec Dieu honneur y contredict ; Pourtant, plaideurs aux amoureuses questes. Allez ailleurs présenter vos requestes : Je ne feray ne serviteur n'amy.

Mais tiendray foy à mon grand ennemy.

Donques à qui feray ma plaincte amère?

A vous, ma chère et honnorée mère.

C'est à vous seule à qui s'offre et présente Par vray devoir la complaincte présente. Et devers vous s'en voilent mes pensées De grand ennuy (à grand tort) offensées. Pour y chercher allégeance certaine, Comme le cerf qui court à la fontaine.

Qaerant remède à la soif qui le presse. Nature aussi ne veult que ailleurs m'adresse, El si m'a dict, si pour moy en ce monde Y a confort, qu'en vous seule il abonde ; S'il est en vous (las !) si m'en secourez.

S'il n'est en vous, avecques moy pleurez, En mauldissant fortune et ses alarmes : Et en mes pleurs entremeslez voz larmes. Pour arrouser la fleur qu'avez produicte, Qui s'en va toute en seiche herbe reduicte.

DB LA MORT DB ANNB l'hULIBR '

Quiconques soys, qui veulx que je confesse Que Venus est la plus belle déesse.

Il fault aussi que de rien tu ne doubtes Qu'elle ne soit la plus maie de toutes ; Car quelque don qui d'elle soit donné, (Tant soit il doulx) il est environné De plus de maulx que la rose d'espines ; Et (qui pis est) si ses fraudes vulpines On sçait fuyr, ou si un chaste cueur D'aventure est de sa flamme vainqueur.

Elle (soudain) devient toute enragée, Et tout ainsi que s'on l'eust oultragée En prend vengeance. Helas ! piteuse preuve Toute récente à ce propos se trouve D'Anne, qui fut jadis Orleanique.

Le cas est tel : la déesse impudique De son brandon (qui maintes femmes damne)^ Jamais ne sceut eschaufler le cueur d'Anne, Dont par despit sur le corps se vengea. Et pour ce faire à Vulcan se rengea; Car le pouvoir de Venus est petit Pour se venger selon son appétit.

A Vulcan donc son dueil elle declaire, Qui tout subit (pour à Venus complaire) De son chault feu (bien autre qu'amoureux)

nS ILIOIES

Vint allumer, par un soir malheureux D'Anne le lict chaste et immaculé, Et en dormant son beau corps a bruslé, Duquel adonc Famé noble s'osta, Et toute gaye au ciel luysant saulta, Sans se sentir du feu de Vulcanus, Encore moins de celluy de Venus.

Or vit son ame, et le corps est pery Par feu ardant. Mais qui de son mary Eust eu alors les larmes qu'espandues Il a depuis, pas ne fussent perdues Gomme elles sont, car de ses yeulx sortir En feit assez pour ce feu amortir.