DE LA PASSION DE NOSTRE SEIGNEUR JESUCHRIST
Le pellican de la forest celique,
Entre ses faictz tant beaulx et nouvelletz,
Après les cieulx et l'ordre archangelique
Voulut créer ses petis oyselletz,
Puis s'envola, les laissa tous seuletz,
Et leur donna, pour mieulx sur la terre estre,
La grand' forest de paradis terrestre,
D"arbres de vie amplement revestue,
Plantez par luy, qu'on peult dire en tout estre
Le Pellican qui pour les siens se tue.
Mais ce pendant qu'en ramage musique Chantent aux boys comme rossignolletz.
Un oyseleur cauteleux et inique Les a deceuz à glus, rhetz et filelz.
Dont sont banniz des jardins verdeletz.
Car des haultz fruiclz trop voulurent repaislre, Parquoy en lieu sentant pouldre et salpestre Par plusieurs ans mainte souffrance ont eue, En attendant hors du beau lieu champestre Le Pellican qui pour les siens se tue.
Pour eulx mourut cest oysel deifique,
Car du hault boys plein de sainctz Angeletz
Vola ça bas par charité pudique,
OÙ il trouva corbeaux Irèsordz et laydz,
Qui de son sang ont faict maintz ruysseletz,
Le tourmentant à dextre et à senestre,
Si que sa mort, comme Ton peull congnoislre,
A ses petis a la vie rendue.
Ainsi leur feit sa bonté apparoistre
Le Pellican qui pour les siens se tue.
Les Corbeaux sont ces Juifs exilez
Qui ont à tort les membres mutilez
Du Pellican, c'est du seul Dieu et maistre.
Les Oyseletz sont Humains, qu'il feit naistre,
Et rOyseleur, la Serpente tortue
Qui les deceut, leur faisant mescongnoistre
Le Pellican qui pour les siens se tue.
CONTRE CELLE QUI FUT S'aMYE
Un jour rescriviz à m'amye Son inconstance seulement. Mais elle ne fut endormie A me le rendre cliauldement; Car dès l'heure tint parlement A je ne sçay quel papelard, Et lui a dict tout bellement :
« Prenez le, il a mengé le lard. »
Lors six pendars ne faillent mye A me surprendre finement.
Et de jour, pour plus d'infamie, Feirent mon emprisonnement.
Hz vindrent à mon logement ; Lors ce va dire un gros paillard :
« Par la morbieu, voylà Clément, Prenez le, il a mengé le lard. »
Or est ma cruelle ennemie Vengée bien amèrement ;
Revenge n'eu veulx ne demie.
Mais quand je pense, voyremeut, Elle a de l'engin largement, D'inventer la science et Fart De crier sur moy liaultement :
« Prenez le, il a mengé le lard. »
Prince, qui n'eust dict plainement La trop grand' chaleur dont elle art, Jamais n'eust dict aulcunement :
« Prenez le, il a mengé le lard. »
DE s'aMYE bien belle (iS-27)
Amour me voyant sans tristesse Et de le servir desgouté, M'a dict que feisse une maistresse, Et qu'il seroit de mon costé.
Après l'avoir bien escouté, J'en ay faict une à ma plaisance, Et ne me suis point mesconté :
C'est bien la plus belle de France.
Elle a un œil riant, qui blesse Mon cueur tout plein de loyaulté, Et parmy sa liaulte noblesse Mesle une doulce privaulté.
Grand mal seroit si cruaulté Faisoit en elle demourance; Car, quant à parler de be ulé, C'est bien la plus belle de France.
De fuyr s'amour qui m'oppresse Je n'ay pouvoir ne voulenté, Arresté suis en ceste presse Comme l'arbre en terre planté.
S'esbahyt on si j'ay planté
De peine, tourment et souffrance?
Pour moins on est bien tourmenté C'est bien la plus belle de France.
Prince d'amours, par ta bonté Si d'elle j'avois jouyssance, One homme ne fut mieulx monté C'est bien la plus belle de France.
