CHANT DH MAY

En ce beau moys délicieux,

Arbres, fleurs et agriculture,

Qui durant Tyver soucieux

Avez esté en sépulture,

Sortez pour servir de pasture

Aux troupeaulx du plus grand pasteur ;

Chascun de vous en sa nature

Louez le nom du Créateur.

Les servans d'amour furieux Parlent de l'amour vaine et dure, Où vous, vrays amans curieux, Parlez de l'amour sans laydure.

Allez aux champs sur la verdure Ouyr l'oyseau parfaict chanteur ; Mais du plaisir, si peu qu'il dure, Louez le nom du Créateur.

Quand vous verrez rire les cieulx.

Et la terre en sa fioriture ; Quand vous verrez devant vos yeulx Les eaux luy bailler nourriture.

Sur peine do grand' forfaicture, Et d'estre larron et menteur, .

N'en louez nulle créature, Louez le nom du Créateur.

Prince, pensez, veu la facture.

Combien puissant est le facteur.

Et vous aussi, mon escripture, Louez le nom du Créateur.

3'i2 CHANTS DIVERS