DU CONFIGT EX DOULEUR

Si j'ay du mal, maulgré moy je le porte; Et s"ainsi est qu"aucun me reconforte, Son reconfort ma douleur point n'appaise ; Yovlà comment je languis en mal ayse, Sans nul espoir de liesse plus forte.

Et faalt qu'ennuy jamais de moy ne sorte, Car mon estât fut faict de telle sorte Dès que fuz né ; pourtant ne vous desplaise Si j"ay du mal.

Quant je mourray ma douleur sera morte; Mais ce pendant mon povre cueur supporte Mes tristes jours en fortune maulvaise, Dont force m'est que mon ennuy me plaise, Et ne fault plus que je me desconforte Si j'ay du mal.

PAR CONTR.YDICTIONS

En espérant espoir me désespère, Tant que la mort nfest vie trèsprospere. Me tourmentant de ce qui me contente.

Me contentant de ce qui me tourmente, Pour la douleur du soûlas que j'espère.

Amour hayneuse en aigreur me tempère:

Puis tempérance, aspre comme vipère, Me refroidist soubz chaleur véhémente En espérant.

L'enfant aussi qui surmonte le père

Bende ses yeulx pour veoir mon impropere;

De moy s'enfuyt et jamais ne s'absente; Mais sans bouger va en obscure sente Cacher mon dueil affm que mieulx appere, En espérant.