RONDEAU PARFAIGT A SES AMYS APRÈS SA DELIVRANCE

'En liberté maintenant me pourmaine, Mais en prison pourtant je fuz cloué ; Voylà comment Fortune me demaine :

C'est bien et mal. Dieu soit du tout loué.

Les envieux ont dit que de Noué N'en sortiroys; que la mort les emmaine! Mault^ré leurs dens le neu est desnoué : lEn liberté maintenant me pourmaine.

Pourtant, si j'ay fasché la Court Rommaine, Entre meschans ne fuz onc alloué :

De bien famez j'ay hanté le dommaine, Mais en prison pourtant je fuz cloué.

Car aussitost que fuz desadvoué De celle là qui me fut tant humaine, Bien tost après à sainct Pris fuz voué ; Voilà comment Fortune me demaine.

J'euz à Paris prison fort inhumaine ; A Chartres fuz doulcement encloué ; Maintenant voys où mon plaisir me maine : C'est bien et mal. Dieu soit de tout loué.

Au fort, amys, c'est à vous bien joué, Quand vostre main hors du per me ramaine. Escript et faict d'un cueur bien enjoué, Le premier jour de la verte semaine En liberté.

398 li 0 x i> 12 A V X

l'adieu de FRANCE A l'eMPEREUR

(loiO)

Adieu, Gesav, Prince bien fortuné^ De vra}' honneur par vertu couronné ; Adieu le chef de la noble Toyson, Au départir de la propre maison Dont le bon Duc ton grand ayeul fut né.

Ouand je t'auray cent foys adieu donné, Et à grand dueil des yeulx abandonné.

Le cueur fera pour toy son oraison Adieu.

Le suppliant qu'un jour jà ordonné Te voye icy des tiens environné :

J'entens des tiens qui sont miens par raison. Or j'attcndray ceste heureuse saison En grand désir que tu sois retourné.

Adieu, Gesar.