SUR CES MOTS

Chascun soit content de ses biens :

Qui n'a suffisance n'a rions.

D'estre content sans vouloir davantage, C'est un trésor qu'on ne peut estimer ; Avoir beaucoup et tousjours plus aymer, On ne sçauroit trouver pire héritage.

Un usurier trouve cela servage ; Mais un franc cueur se doibt à ce sommer D'estre content.

Qui veult avoir de richesse bon gage, Sans en ennuy sa vie consumer, Pour en vertus se faire renommer, Tasche tousjours d'avoir cet advantage D'estre content.

A L'N POUR AVOIR DE l'aRGBNT

En beau papier je scay tant bien signer, S'il vous plaisoit. Monseigneur, me finer Un cent d'escuz, par vostre gentillesse, J'aurois tantost contenté mon hostesse, Et m'en irois soudain après disner.

Si vous voulez me faire consigner, Ou bien le paye en un temps designer, J'en suis content, pourveu que je la dresse En beau papier.

Ne cuydez pas que vous veuille affiner Ou cautement vostre argent rappiner.

Si respondant voulez que vous adresse, Je le veux bien ; mais il n'est que promesse, Quand ou la sçail sagement assigner En beau papier.

VERS AFFICHEZ A PAKIS