CHANSON XIV

D'où vient cela, belle, je vous supply, Que plus h moy ne vous recommandez?

CHANSONS /ll3

Tousjours seray de tristesse remply

Jusques à tant qu'au vray le me mandez ;

Je croy que plus d'amy ne demandez,

Ou maulvais bruyt de moy on vous revelle,

Ou vostre cueur a faict amour nouvelle.

Si vous laissez d"amour le train joly,

Vostre beauté prisonnière rendez ;

Si pour autruy m'avez mis en oubly,

Dieu vous y doint le bien qu'y prétendez :

Mais si de mal en rien m'appréhendez,

Je veulx qu'autant que vous me semblez belle

D'autant ou plus vous me soyez rebelle.

fl32o)

Ma Dame ne m"a pas vendu, Elle m"a seulement changé ; Mais elle a au change perdu, Dont je me tiens pour bien vengé; Car un loyal a estrangé Pour un autre qui la diffame :

N'est elle pas légère femme ?

Le noir a quicté et rendu ; Le blanc est d'elle desrengé ; Violet luy est deffendu ; Point n'ayme bleu ny orengé:

Son cueur muable s'est rengé Vers le Changeant, couleur infâme: N'est elle pas légère femme?