CHANSON XIX

Mauldicte soit la mondaine ricliesse, Qui m'a osté m'amye et ma maistresse.

Las ! par vertu j'ay son amytié quise. Mais- par richesse un autre l'a conquise : Vertu n'a pas en amour grand" prouesse.

Dieu gard de mal la nymphe et la déesse

Mauldict soit l'or oîi elle a sa liesse,

Mauldicte soit la fine soye exquise.

Le dyamant et la perle requise,

Puis que par eulx il fouit qu'elle me laisse.

ckANSON XX

Le cueur de vous ma présence désire, Mais pour le mieulx (belle) je me retire;

Car sans avoir autre contentement Je ne pourrois servir si longuement ; Venons au poinct, au poiuct qu'on n'ose dire.

Belle brunette à qui mon cueur soupire, Si me donnez ce bien sans m'escondire, Je serviray : mais sçavez vous comment De nuict et jour, trèsbien et loyaulment. Si ne voulez, je fuyray mon martyre.