CHANSON XXIV

Quand vous voudrez taire une amye, Prenez la de belle grandeur, En son esprit non endormie, En son telin bonne rondeur;

Doulceur

En cueur,

Langage

Bien sage, Dansant, chantant par bons accords, Et ferme de cueur et de corps.

Si vous la prenez trop jeunette.

Vous en aurez peu d'entretien :

Pour durer prenez la brunette.

En bon point, d'asseuré maintien.

Tel bien

Vault bien

Qu'on face

La chasse Du plaisant gibier amoureux :

Qui prend telle proye est heureux.