DE ORTIS, LE MORE DU ROY
Soubz ceste tombe gist, et qui ?
Un qui chantoit Lacochiqui.
Gy gist, que dure Mort piqua, Un qui chantoit Lacochiqua ; C'est Ortis, ô quelles douleurs!
Nous le vismes de trois couleurs Tout mort, il m'en souvient encore.
Premièrement, il estoit More, Puis en habit de cordelier Fut enterré soubz ce pilier :
Et avant qu'eust l'esprit rendu.
Tout son bien avoit despendu.
Par ainsi mourut le ibllastre Aussi blanc comme un sac de piastre, Aussi pris qu'un fouyer cendreux, Et noir comme un beau diable ou deux.
Cy irist, qui est une grand' perte, En culetis la plus experte Qu'on sceut jamais trouver en France.
C'est Alix, qui dès son enfance, Quand sa nourrice l'allectoit, Dedans le berceau culetoit ; Et de trois jusques à neuf ans, Avec garsous, petis enfans, Alloist tousjours en quelque coin Culleter au grenier au foin :
Et à dix ans tant fut culée, Qu'en culant fut despucelée.
Depuis, grosse garse devint.
Et lors culetoit plus que vingt ; En après devint toute femme, Et inventa la bonne dame Mille tordions advenans Pour culeter à tous venans.
Vray est, quand plus n'eut dent en gueule, Qu'elle culeta toute seule.
Mais affin que le monde vist Son grand sçavoir, elle escrivist Un beau livre de culetage.
Pour ceulx qui estoient de grand' aage, Et un autre de culetis Pour ceulx qui estoient plus petis.
Ces livres feit en s'esbatant.
Et puis mourut en culetant ; Encor dit on par grand' merveille Que si on veult mettre l'oreille Contre sa tumbe, et s'arrester, On ourra ses os culeter.
DE MARTIN
Cy gist, pour Alix contenter, Martin, qui souloit plus que dix
A la rengette culeter,
Par campagnes, boys et taillis.
Prie Dieu, toy qui cecy lys,
Mettre Tame du trespassé
En quelque lieu bien loin d'Alix,
Affîn qu'il repose in face.
XVt
DE MARTIN
Cy gist Martin qui, pour saouler Alix Tant culeta quïl en perdit la vie ; Car sans cesser, ou sus bancz, ou sus litz Elle voulut en passer son envie.
Il esgouta toute son eau de vie, Puis se voulut restaurer de coulitz ; Mais la vigueur des tourdions jolys Qu'avoit Alix inventez à son aise Ses roides nerfz rendit tant amollys.
Qu'il tut martyr, dont toy, qui cecy lis, Va, si tu veulx que ton culeter plaise. Baiser sa tumbe au plus près de Senlis : Alors pourras culeter plus que dix.
DE MARTIN
Cy gist après qui debout et assis
Avoit esté Martin de sens rassis.
Jadis faisant d'honneur et gloire numbre.
Dont maintenant qu'en est il rien qu'une umbre?
Son bruicl mourut quand Martin fut occis.
