DE TROIS ENPANS FRERES

D'un mesme dard, soubz une mesme année,

Et en trois jours de mesme destinée

Mal pestîlent soubz ceste dure pierre

Meit Jehan de Bray, Bonadventure, et Pierre,

Frères tous trois : dont le plus vieil dix ans

A peine avoit. Qu'en dictes vous, Lisans ?

Cruelle mort , mort plus froide que marbre ,

N'a elle tort de feire cheoir de l'arbre

Un fruict tant jeune, un fruict sans meureté ,

Dont la verdeur donnoit grand'seureté

De bien futur ? qu'a elle encore faict :

Elle a pour vray , du mesme coup defFaict

De père, et mère espérance et liesse,

Qui s'attendolt resjouyr leur vieillesse

Avec leurs filz : desquelz la mort soudaine

Nous est tesmoing, que la vie mondaine.

Autant enfàns, que vieillards, abandonne,

Il nous dolbt plaire, et puisque Dieu l'ordonne.