DU JOUR DE NOËL

Une pastourelle gentille Et un berger, en un verger, L'autrehier en jouant à la bille S'entredisoient, pour abréger :

Roger.

Berger,

Légère

Bergère, C'est trop à la bille joué :

Chantons Noé, Noé, Noé.

Te souvient il plus du Prophète Qui nous dit cas de si hault faict, Que d'une pucelle parfaicte

Naistroit un enfant tout parfaict

L'effect

Est faict :

La belle

Pucelle A un filz du ciel advoué : Chantons Noé, Noé, Noé.