SECOND COUPLET, COMPOSÉ PAR MAROT

Je cuyde bien qu'elle mourroit à l'heure Que mort viendfoit tous les amans saisir; Mais si, toy mort, elle en trouve à choisir, J'ay belle peur qu'à grand'peine elle pleure.

riTANSON XLII

Mon cueur se recommande à vous, Tout plein d'ennuy et de martyre; Au moins en despit des jaloux

Faictes qu'adieu vous puisse dire.

Ma bouche qui vous souloit rire Et compter propos gracieux, Ne faict maintenant que mauldire Ceulx qui m'ont banny de vos yeulx.

Banny j'en suis par Faulx Semblant.

Mais pour nous veoir encor ensemble Fault que me soyez ressemblant De fermeté; car il me semble Que quand Faulx Rapport desassemble Les amans qui sont assemblez, Si Ferme Amour ne les rassemble, Sans fin seront desassemblez.

ESTRENES

DE CELLE gut ENVOYE A SON AMY UNE DE SES COUtïURS.

Soubz espérance et attente d'avoir Response faicte en plus profond sçavoir. Les miens espritz un lourd rondeau t'cscrivent Et devers toy peu d'cstrenes amvent, Pour forte amour entre nous concevoir.

Gris, blanc et bleu sont pies couleurs, pour voir; Mais du seul gris je t'ay voulu pourvoir, Dont sont vestus plusieurs humains qui vivent Soubs espérance.

Reçoy le donc, et \'ueilles par ce veoir Que les tendans à leur désir se veoir S'arment de gris, et desespoir ne suyvent, Car par luy seul souvent de bien se privent Ceulx qui pourroient niiculx que bien recevoir Soubs espérance.