DE MAISTRE ANDRE LE VOUST, MEDECIN DU DUC D'ALENÇON

Vers alexandrins.

Celuy qui prolongeoit la vie des humains

A la sienne perdue, au dommaige de maints.

Helas ! c'estoit le bon feu Maistre André le Voust,

Jadis Alençonnoys, ores pasture et goust

De terrestre vermine, et ores revestu

De cercueil et de tumbe, et jadis de vertu.

Or est mort médecin du bon duc d'Alençon.

A nature ainsi fault tous payer la rençon.