DES ALLEMANS DE BOURGES, RECITE PAR LA DEESSE MEMOIRE

Qui veult sçavoir grans accordz difïerens, Les plus nouveaulx qu'on veit entre parens Long temps y a, vienne en cest oratoire, Des AUemans lire la courte histoire.

Mémoire suis, qui avecques leurs corps Ne veulx souffrir enterrer leurs accords, Ains d'en escrire il me prend appétit.

Jean l'AUemant et Marie Petit Deux autres Jeans en mariage acquirent, Qui en commun en un logis vesquirent; Et ces deux Jeans deux Jannes espouserent,

Qui dix enfans sur la terre posèrent : Janne Gaillard espousa Jean l'aisné, Une autre Janne eust l'autre Jean puisnc, Laquelle avoit le surnom de Champanges.

Ainsi en noms conformes et estranges Furent tous cinq en amytié confictz.

Et qui plus est, le bon père et ses filz Comme de noms d'estatz furent esgaulx, Estans tous trois receveurs generaulx.

Le père au faict des Normans travailla, Puis ceste charge au fils aisné bailla, Et le puisné receut charge semblable En Languedoc. O peuple vénérable, Les corps humains que j'ay cy declairez, De mesme estât et mesme honneur parez, De mesme nom, de mesme nourriture, Sont enterrez soubz mesme sépulture. Faictes à Dieu de bon cueur oraison Qu'au ciel leur doint une mesme maison.