A NATURE

Helas ! Nature, où est la bonne grâce Dont tu le feis luyre par ses efïectz? Formé l'avois beau de corps et de face, Doux en parler et constant en ses faictz; D'honnesteté estoit l'un des parfaictz, Car en fuyant les picquans espincttes D'oysiveté, flustes et espinettes Bruyre faisoit en trèsdoulce accordance, De luz sonnoit motetz et chansonnettes, Danser sçavoit avec et sans sonnettes, Las ! or est il à sa dernière dance.