L'AUTHEUR A SON LIVRE

Oster je veulx (approche toy, mou Livre) Un tai d'escriptz qui par d'aultres sont faictz, Or va, c'est faict : cours léger, et délivre; Deschargé t'ay d'un lourd et pesant faix. S'ilz font escriptz (d'adventure) imparfaictz, Te veulx tu faire en leur faultes reprendre? S'ilz les font bien, ou mieulx que je ne fais, Pourquoy veulx tu sur leur gloire entreprendre? Sans eulx (mon Livre) en mes vers pourras prendre Vie après moy, pour jamais, ou long temps; Mes œuvres donc content te doivent rendre : Peuples et Roys s'en tiennent bien contens.