I . Voy. la vie d'Alexandre, dans Plutarque

Discours sur les Duels. 185

neur à la nuict de la luy donner, pour Poster au beau jour et au beau soleil, qui se desoleroit. Aucuns disoient que M. de Bussy avoit faict en sage homme et entendu en combats; car les combats de nuict sont fort dangereux et subjects à de mauvaises charitez, ainsin qu'il en arriva au baron d'Ingrande, que j'ay dict cy devant, son combat ayant esté faict de nuict, le roy couché, et * tué, non sans quelque soupçon de supercherie.

Enfin il n'y a rien plus odieux que les ténèbres, si ce n'est que ledict Bussy eust faict de mesmes que fist en nos dernières guerres de Toscane, du temps du roy Henry 11% le capitaine La Hyre, brave et vaillant capitaine gascon, lequel combatit son ennemy dans une salle que dom Francisque d'Est avoit faict apprester. avec force flambeaux et torches, si bien qu'il y faisoit aussy clair comme beau jour, et le vainquit en présence de M. le cardinal de Ferrare, et dudict Francisque d'Est, son frère, lieutenant du roy en ces pays, et plusieurs autres capitaines : dont ledict La Hyre en acquit grande gloire ; lequel despuis se signalla en tous les bons lieux de guerre où 41 se trouva, et mesmes aux guerres civilles, M. le prince de Condé l'ayant gaigné et appoincté. C'estoit certes un gentil soldat et bon capitaine : il mourut à Orléans. Il estoit grand compaignon du capitaine La Trappe, aussi Gascon, que j'ay veu despuis gouverneur de M. de Clermont d'Amboyse, et guidon de