Le tablier

Opuscules. 27

regardans, et crainte que luy et son cheval ne fondissent et pont et tout dans Peau; et tourne sain et gaillard. Et dit despuis que, s'il ne fust advisé de prendre ce cheval léger et viste, et en eust pris un plus fort, ou coursier, ou roussin, et ne fust allé ainsy viste, et d'aller le pas, il se fust rompu le cou et noyé, et tombé et le cheval et tout. Il fut fort estimé de ce coup, et des François et des Espaignols et Italiens : et pâ^la-on fort de la bonne et rude lance du seigneur de Bourdeille, ensemble de son espée et son bras ; car il Tavoit fort robuste et nerveux, sans trop garniture de chair; ayant de mesmes de là les monts esté en très-bonne réputation et fort aimé des François, car il tenoit très-bonne table, despensoit tout, donnoit fort, estoit fort libéral. Quand il voyoit un honneste homme qui avoit faute d'un bon cheval, ou autre qui luy en demandoit un, aussy tost il luy donnoit. J'ay ouy conter à M. de Brouillac que le premier cheval de guerre et d'ordonnances qu'eut jamais M. de Burie, mon père le luy bailla.

Aussy ne le celoit-il pas, et le disoit souvent, et honnoroit fort mondict père, et le venoit veoir souvent en sa maison quand il y fut retiré, et luy portoit grand honneur et respect. Et parloit tousjours du bon temps avecques toutes les louanges de mondict père, bien

3u'il eust eu dans le Pied mont et au royaume e Naples de belles charges. J'ay veu cela estant fort petit garçon, une fois à la Feuillade. Aussy mon père luy pourchassa son mariage avecques sa femme, qui estoit sa cou-

28 Opuscules.

sine germaine, de la maison de Belleville : et jamais mondict père ne l'appeiloit que cousin ou castron*, parce qu'il estoit de Sainctonge; car il avoit ceste humeur et coustume, que guieres il n'appelloit les personnes par leur nom ou surnom, ou de leurs seigneuries, mais leur en imposoit quelqu'un, comme souvent il se verra en ce discours.

Pour retourner encor à sa libéralité, feu M. d'Essé, ce grand capitaine despuis, eut aussy de luy son premier cheval de guerre qu'il eut jamais, et luy donna avecques une très-belle et bonne espée dorée. Il" le disoit par-tout, comme je l'ay ouy contera madame de Dampierre et à ma sœur de La Chapelle, qui luy ont ouy dire souvent. Aussy ne fut-il jamais ingrat, car, tant qu'il a vescu, il a tousjours fort honnoré nostre maison, d'autant qu'il avoit esté nourry page de feu M. le seneschal mon grand père, et disoit avoir bercé cent fois ma mère, et ne voulut jamais laver ^ avecques madame la seneschalle ma grand'mere, bien qu'il fust esté lieutenant de roy en Escosse, et ne lavoit jamais qu'avecques ses deux filles , ma mère et ma tante de Dampierre. Mon père ne l'appeiloit jamais que Landrecy, parce qu'il avoit leans tenu le siège avecques le capitaine La

1 . En Poitou, veau châtré. Il y avait sans doute là quelque sobriquet facétieux, comme on s'en permettait entre pays voisins.