V. De Depunctore

Sexto quoque mense Depunctor eligetur, vel continuabitur, qui staim in omnium concessu juramentum præstet se fideliter et studiosè functorum officio absque personarum acceptione, præsentiam omnium illico notando in libro in hune finem parato. Quandocumque ultimd ad officium pulsatum fuerit, si quatuor in choro sint, cæteris minimè expectatis, officium inchoent. Quicumque in fine saltèm primi psalmi, et antequàm incipiatur secundus, non adfuerit, vel qui usque ad officii finem non perseveraverit, abesse censeatur. Quicumque in missà initium epistolæ non audierit, vel in eà benedictionem non expeclaverit, ut absens habeatur. Verumtamen qui pastorali munere detinebuntur, vel aliter necessaria agent, nec in choro adesse poterunt, vel si adsint, egrediendum fortè erit, dummodù de omnibus constet, adesse censeantur.