CHAPITRE XIV

ESTANT convaincuë, elle doit estre corrigée par chastiment et punition, selon le jugement de la Superieure ou du Prestre. Que si elle refuse de subir la peine qu’on luy impose, et si elle ne s’en va, qu'on l’expulse et mette dehors de vostre Congregation ou Societé. Et cecy ne se fait pas avec cruauté, mais avec misericorde, affin que, par une pestilente contagion, elle ne perde plusieurs autres Sœurs. Et ce que j’ay dit de cette faute d’arrester la veuë sur les hommes, doit estre diligemment observé en remarquant, deffendant, manifestant, convainquant et punissant les autres pechez, conservant en cela la charité envers les personnes, et la havne contre leurs vices.