POUR MEMOIRE PERPETUELLE

L’abondance de la grace divine nous ayant eslevé, sans aucun merite de nostre part, au gouvernement de l’Eglise militante, parmy la foule des soings auxquels le ministere apostolique est asservy, nous pensons continuellement aux moyens qui sont plus propres à la direction et heureuse conduitte des Sanctimoniales (1), lesquelles, ayant oublié leur peuple et la mayson de leur pere, se sont volontairement desvouées au service de Dieu; et lors que nous descouvrons les choses qui ont esté faites à cette fin, et que nous en sommes requis, nous les appuyons volontiers de la puissance Apostolique, autant qu’il nous semble necessaire en Nostre-Seigneur, affin qu’elles ne soyent jamais ny esbranlées ny alterées. Il y a donc quelque tems que nos bien-aymées filles en Jesus-Christ, les religieuses de la Congregation de la Visitation Saincte- Marie, de l’Ordre de S. Augustin, nous firent representer que defunct François de Sales, evesque de Geneve, de bonne memoire, sur Je commandement qu'il avoit eu de nostre predecesseur le pape Paul V, d’heureuse memoire, avoit dressé des Constitutions pour leur bon estat et heureuse conduitte, dont la

(1) Religieuses,