A JESUS-CHRIST NOSTRE-SEIGNEUR

Souhaict à limitation de celuy que Job a fuit au 31° Chapitre de son Livre.

O vray Dieu! mais qui me fera tant de grace que le Tout-Puissant escoute mon desir, et que luy-mesme escrive ce livre, affin que je le porte sur mes espaules, et que je m'en environne comme d'une couronne, et que je le prononce à chaque pas, et que je le luy offre comme à un prince? Ouy, Seigneur Jesus-Christ, escoutez l’exclamation que mon cœur fait pour vos Servantes; es-

Las de 2 Tate Y

crivez vous-mesme en ce livre, et ne permeltez pas qu'aucune y mette jamais son nom que par vostre inspiration et mouvement, affin que ce volume soit un manteau d'honneur sur mes espaules, et une couronne de gloire sur ma teste; et ainsi je nommeray, en toutes les inspirations que mon esprit fera vers vous, les noms qui y seront marquez, comme un cantique de joye et de loüange, et en offriray le roolle comme un boucquet de suavité à vostre divine Providence. Faites, Ô Jesus, doux et sainct amour de nos ames, que l’an auquel chaque Sœur escrira ses vœux et oblations en ce livre, luy soit un an de sanctification ; le jour, un jour de salut; et l'heure, une heure de perdurable benediction; et que les cœurs que vous avez congregez sous vostre nom et celuy de vostre chere Mere, ne se dispersent point, que ce que vous avez assemblé ne se dissipe point, et que ce que vous avez conjoinct ne se separe point; mais que les noms marquez en ces feüulles perissables, soient à jamais escrits au livre des vivans, avec les justes qui regnent aupres de vous en la vie de l’immortelle felicité. Ainsi-soit-il. Amen.