ARTICLE II
Du lever des Sœurs.
Premierement, les Sœurs doivent à leur resveil jetter leur ame tout en Dieu, par quelques sainctes pensées, telles que celles-ey :
Le sommeil est l'image de la mort, et le resveil celle de la resurrection, ou bien celle de la voix qui retentira au dernier jour : O mort levez-vous, et venez au jugement. Ou bien, qu'elles disent avec Job : Je croy que mon Redempteur est vivant, et qu'au dernier jour je ressusciteray. O mon Dieu h
faites que ce soit à la gloire eternelle; cette esperance repose dans mon sein. D’autres fois : En ce jour-là vous m’appellerez, à mon Dieu! et je vous respondray : vous donnerez vostre dextre à l'ouvrage de vos mains; vous avez compté tous mes pas.
Les Sœurs feront ainsi de sainctes aspirations, ou telles autres que le Sainct-Esprit leur suggerera, ayant la liberté de suivre son attraict interieur.
Commençant à se vestir, faysant le signe de la croix, elles diront : Couvrez-moy, Seigneur, du manteau d'innocence, et de la robbe de charité. Hé mon Dieu! ne permettez pas que je paroisse nue de bonnes œuvres devant vostre face.
Puis elles se prepareront pour l'exercice du matin, pensant briefvement aux imperfections esquelles elles sont subjettes, et aux resolutions qu’elles doivent faire contre icelles.
Quand on sonne l’Ave Maria, elles se mettront à genoux sur le lict, ou à bas, si elles sont vestuës, pour le dire; ensuite de quoy elles feront l'exercice du matin, adorant Nostre-Seigneur du profond de leur ame, le remerciant de tous ses benefices, et luy offrant leurs cœurs, avec leurs affections et resolutions, et tout leur estre, en l’unyon de cette offrande amoureuse que le Sauveur fit en l'arbre de la Croix de soy-mesme à son Pere eternel, luy demandant son ayde et benediction, salüant Nostre- Dame, luy demandant aussi sa benediction, celle du sainct Ange et des saincts Protecteurs, et diront le Pater noster, etc., si bon leur semble.
Tout cecy se doit faire vivement, courtement, et à genoux, puis le reste du tems elles occuperont leur esprit au poinct de la
meditation.
En esté, elles feront leurs licts; et s’il se peut, se laveront les mains et la bouche devant l'Orayson, et pour cela il sera besoin qu'elles soient tres-diligentes à se lever et habiller.
Pour l’Orayson, elles s’y formeront suivant les enseignemens de l’Introduction à la vie devote, du Traitté de l'Amour de Dieu, des Entretiens spirituels, et autres bons livres conformes à ceux-là; particulierement sur l’attraict et conduitté du Sainct- Esprit, et de la direction qui leur sera donnée, ne s'amusant jamais sur des subtilitez et vaines sur-eminences, qui ne sont que tromperies et deceptions. La serieuse prattique de cet exercice, est une des plus importantes qui soit en la Religion et vie spirituelle. |
Ve 27
AMEN CTP RNIITE De dresser son intention és Exercices:
Les Sœurs qui voudront prosperer, et faire progrez en la voye de Nostre-Seigneur, doivent, au commencement de toutes leurs actions, tant interieures qu’exterieures, demander sa grace, et offrir à sa divine bonté tout ce qu’elles feront de bien, se prepa rant ainsi à supporter toute la peine et mortification qui s’y rencontrera, avec paix et douceur d'esprit, comme provenant de la main paternelle de nostre bon Dieu et Sauveur, duquel la tressaincte intention est de les faire meriter par tels moyens, pour par apres les recompenser de l'abondance de son amour. Et qu’elles ne negligent point cecy és choses petites et qui leur semblent de petite importance; voire mesme si on les employe à des choses qui leur soient du tout aggreables , et conformes à leur volonté et necessité, comme de boire, manger, se reposer, et recreer, et choses semblables ; affin que, suivant le conseil de l'Apostre, tout ce qu'elles feront soit fait au nom de Dieu, et pour son seul playsir.
