ARTICLE V

Comme il faut oùyr la saincte Messe.

PENDANT que le Prestre se prepare, il fautse mettre en la presence de Dieu, et quand il dit le Con/iteor, il se faut prosterner en esprit devant Dieu, recognoistre ses pechez, les detester, et luy en demander pardon. Apres cela, on pourra dire le Chapelet, ou telles autres prieres que l’on goustera le plus, jusques*à l'Evangile, auquelil se faut promptement lever, pour tesmoigner que l’on est appareillé pour cheminer en la voye des commandemens de l'Evangile, et dire : Jesus-Christ a esté obeyssant jusques à la mort, et à la mort mesme de la Croix; et en faysant le signe de la croix sur le front, sur la bouche, et sur le cœur, dire : Dieu soit en mon esprit, en ma bouche, et en mon cœur, affin que je reçoive son sainct Evangile. Si l’on dit le Credo, 1 faut dire le commun, protestant mentalement de vouloir vivre et mourir en la foy de la saincte Eglise.

Apres le Sanctus, il faut, en grande humilité et reverence, penser au benefice de la mort et passion du Sauveur, le suppliant de la vouloir appliquer au salut de tout le monde, et particulierement au nostre, et à celui des enfans de son Eglise, à la gloire et felicité de tous les Saincts, et au soulagement des ames du purgatoire.

A l’Eslevation du Tres-Sainct Sacrement, il faut, avec une grande contrition de cœur, l’adorer, puis avec le Prestre l’offrir à Dieu le Pere, pour la remission de nos pechez, et de ceux de tout le monde, et nous offrir nous-mesmes quant et luy avec toute l'Eglise.

Apres l'Eslevation, il faut remercier Jesus-Christ de sa Passion, et de l'institution de ce tres-sainct Sacrifice de l’Autel.

Quand le Prestre dit le Pater, il le faut dire avec luy vocalement, ou mentalement, avec une grande humilité et devotion, tout ainsi que si l’on l’oyoit dire à Nostre-Seigneur, et que l'on le dist mot à mot apres luy. Apres cela, si l’on ne veut faire la. Communion reelle, il la faut faire spirituelle, s’approchant de Nostre-Seigneur par un sainct desir d’estre unie à luy, et le recevoir en Son CŒUT«

A la Benediction, il se faut representer que Jesus-Christ en mesme tems nous donne la sienne.