CHAPITRE TITI
QUE LA DEVOTION EST CONVENABLE A TOUTES SORTES DE VOCATIONS ET PROFESSIONS.
Dreu commanda en la creation aux plantes de porter leurs fruicts chascun selon son genre, ainsi commande-t-il aux chrestiens, qui sont les plantes vivantes de son Eglise, qu'ils produisent des fruicts de devotion, un chascun selon sa qualité et vocation. La devotion doit estre differemment exercée par le gentilhomme , par l'artisan, par le valet, par le prince, par la veufve, par la fille, par la mariée; et non-seulement cela, mais il faut accommoder la prattique de la devotion aux forces, aux affaires, et aux devoirs de chaque particulier. Je vous prie, Philotée, seroit-il à propos que l’evesque voulust estre solitaire comme les Chartreux? Et si les mariez ne vouloient rien amasser non plus que les Capucins, si l'artisan estoit tout le jour à l’eglise comme le religieux, et le religieux tousjours exposé à toutes sortes de rencontres pour le service du prochain comme l’evesque, cette devotion ne seroit-elle pas ridicule, desreglée et insupportable? Cette faute neantmoins arrive bien souvent, et le monde, qui ne discerne pas, ou ne veut pas discerner entre la devotion et l’indiscretion de ceux qui pensent estre devots, murmure et blasme la devotion, laquelle neantmoins ne peut mais (2) de ces desordres.
Non, Philotée, la devotion ne gaste rien quand elle est vraye, ains elle perfectionne tout; et lors qu’elle se rend contraire à la
(1) Mème, — (21 N'est pas cause.
legitime vocation de quelqu'un, elle est sans doute (1) fausse. L’abeille, dit Aristoté, tire son miel des fleurs, sans les interesser, les laissant entieres et fraisches comme elle les a treuvées ; mais la vraye devotion faict encore mieux, car non-seulement elle ne gaste nulle sorte de vocation ny d'affaires, ains au contraire elle les orne et embellit. Toutes sortes de pierreries jettées dedans le miel, en deviennent plus esclatantes, chacune selon sa couleur; et chascun devient plus aggreable en sa vocaion, la conjoignant à la devotion : le soin de famille en est rendu paysible, l'amour du marv et de la femme plus sincere, le service du prince plus fidelle, et toutes sortes d’occupations plus suaves et amiables. |
C'est une erreur, ains une héresie, de vouloir bannir la vie devote de la compaignie des soldats, de la boutique des artisans, de la cour des princes, du mesnage des gens mariez. Il est vray, Philotée, que la devotion purement contemplative, monastique et religieuse, ne peut estre exercée en ces vocations-là; mais aussi, outre ces trois sortes de devotion, il y en a plusieurs autres propres à perfectionner ceux qui vivent és (2) estats seculiers. Abraham, Isaac et Jacob, David, Job, Tobie, Sara, Rebecca, et Judith en font foy par l'Ancien Testament; et quant au Nouveau, S. Joseph, Lydia, et S. Crespin furent parfaictement devots en leurs boutiques; S'° Anne, S° Marthe, S* Monique, Aquila, Priscilla en leurs mesnages; Cornelius, S. Sebastien, S. Maurice, parmy les armes ; Constantin, Helene, S. Louys , le B. Amé, S. Edoüard en leurs throsnes. Il est mesme arrivé que plusieurs ont perdu la perfection en la solitude, qui est neantmoins si desirable pour la perfection, et l'ont conservée parmy la multitude, qui semble si peu favorable à la perfection. Loth, dit S. Gregoire, qui fut si chaste en la ville, se soüilla en la solitude : où que nous soyons, nous pouvons et devons aspirer à la vie parfaicte.
