MANIERE DE DIRE LE CHAPELET

Marie, la suppliant au premier d'offrir vostre entendement au Pere eternel, affin que vous puissiez à jamais considerer ses misericordes. Au second, vous la supplierez d'offrir vostre memoire au Fils, pour avoir continuellement sa mort et passion en vostre pensée. Au troisiesme , vous la supplierez d'offrir vostre volonté au Sainct-Esprit, affin que vous puissiez estre à jamais enflammée de son sacré amour. Au gros grain qui est au bout, vous supplierez la divine Majesté d'aggreer le tout à sa gloire et pour ‘le bien de son Eglise, au giron de laquelle vous la supplierez vous conserver, et y ramener tous ceux qui en son devoyez; et prierez Dieu pour tous vos amys, finissant comme vous avez commencé par la profession de la foy, disant le Credo et faysant le signe de la croix.

Vous porterez le chapelet en vostre ceinture, ou en autre lieu evidemment, comme une saincte marque par laquelle vous voulez protester que vous desirez estre serviteur de Dieu nostre Sauveur et de sa tres-sacrée Espouse, Vierge et Mere, et de vivre en vray enfant de la saincte Eglise catholique, apostolique et romaine.