SIXIÈME POINT

Ayant receu le très saint Sacrement , je me donneray tout à celuy qui s'est tout donné à moy ; j'abandonneray d'affection toutes les choses du ciel et de la terre , disant : Que veux-je au Ciel ? que me reste-il à désirer sur la terre, puis que j'ay mon Dieu , qui est mon tout? Je luy diray simplement, respectueusement et confidemment tout ce que son amour me suggérera , et me resoudray de vivre selon la sainte volonté du Maistre qui me nourrit de luy-mesme.