PRIVILEGE DU ROY

Henry par la grâce de Dieu Roy de France : A tous ceulx qui ces présentes lettres verront, salut. Feu nostre treshonnoré Seigneur & père le Roy dernier decedé (qui pour l'affection & faveur qu'il portoit aux bonnes lettres fut meritoirement dict & nommé le refuge des muses & de tous amateurs de la vertu) Cognoissant que la gloire & autre fruict des victoires, triumphcs, & faictz héroïques & de tous autres actes vertueulx & mémorables, seroient de bien petite durée s'ilz n'estoient perpétués par les lettres, lesquelles seules ont eu le pouvoir de deffendre & garder de l'obly & injure du tems les vertus & miracles de l'ancienneté pour servir d'exemple & doctrine à nostre siècle & autres advenir : Désirant à ceste cause faire llorir nostre Royaulme, non moins par la science & exercice des bonnes lettres que par la vertu militaire : Augmenta de son temps & illustra nostre université de Paris, de bon nombre de personnages notables, doctes, & tresbien exercez es langues Hebrée, Grecque & Latine : leur ordonnant bons & suffisans gaiges & sallaires sur ses propres finances, ce que (grâces à Dieu) a si prosperément fructifié, que bonne partie de la jeunesse de nostre Royaulme, est à présent tresbien instruicte & édifiée, tant esdictes langues, que aux artz, sciences & doctrines, qui par icelles nous sont communiquées, dont nous espérons que nostre langue Françoise (qui a esté cy devant aucunement indigente & peu polye) se pourra facilement agencer, polir & rendre aussi copieuse & facunde, que les dessusdictes & autres quelconques peregrines langues : Comme desja nous tesmoignent les Sonnetz, Odes & autres chantz, cantiques et poèmes de Pierre de Ronsard gentilhomme Vandomois. Lequel (comme ung chacun peult cognoistre) a de si près suivy les anciens & excellens poètes Grecz & Latins, tant en subtilité de poésie & gravité de sentences, qu'en propriété, doulceur & grâce de langage, que tous les doctes de nostre

4 PRIVILKGE DU ROI

tcms (i bon droict) le confessent mériter de iiostre langue Françoise non moins que Pindare de la Grecque, & Horace de la Latine : lù que par le moyen de luy & d'aucuns autres studieux de l'ensuyvre & imiter, nostredicte langue se pourroit en peu de temps égaler à la dignité de la Grecque, si n'estoit l'avarice, ignorance & neglij^ence de plusieurs Imprimeurs, Icsquelz des qu'ilz peuvent recouvrer aucuns livres desirez des bons espritz, & par l'impression & vente desquelz leur gaing & proufit peult estre augmenté (comme sont les œuvres dudict Ronsard) ilz se ingèrent à les imprimer au desceu des autheurs, & sur telz exemplaires qu'ilz en peuvent recouvrer, sans regarder s'ilz sont véritables ou faux & corrompuz. Au moyen dequoy & de l'ignorance ou négligence de leurs correcteurs, & pour trop liaster leurs impressions commettent en icelles tant de faultes, corruptions & vices, que les autheurs voians leurs oeuvres ainsi déformées, sont quelques fois en voye de les descongnoistre. Et qui pis est, aucuns mal informez de l'érudition, & suffisance desdictz autheurs, leur imputent souvent le default & vice de l'Imprimeur, &: autres n'aïans attainci si avant que de sçavoir juger desdictes faultes & vices, cuidans imiter les autheurs, imitent lesditz Imprimeurs & leurs vices, & prennent par ce moyen le faulx & corrompu pour le pur et véritable : qui sont inconveniens de dangereuse conséquence, & qui pourroient pulluler au grand préjudice tant des bonnes lettres que de nostredite langue Françoise. SCAVOIK faisons, que nous, desirans l'augmentation des bonnes lettres, & l'illustration Je nostredicte langue Françoise, & à ces fins les œuvres des bons autheurs (mesmemcnt celles dudict Ronsard) estre bien élégamment & correctement (comme elles méritent) imprimées, tant pour la conduicte, adJresse & exemple de tous studieux de nostredite langue Françoise, que pour laisser à la postérité mémoire des estudes de nosire tems. Considerans qu'on ne sçauroit donner meilleur ordre à la correction & fidélité de l'Impression desdictes œuvres, que par la superinteudcnce de l'authcur d'icelles. Avons i icelluy Ronsard enjoinct tfc trcsexpressémeut enjoignons, élire, choisir & commettre tel