C.-à-d. de lui consacrer sa vie

Dedans ceste escarcelle estoyent les Eveschez, Abbayes, Prieurez, Marquisats & Duchez, Contez, Gouvernements, Pensions, & sans ordre

60 Pendoit au fons du sac sainct Michel en son ordre ' : Crédits, faveurs, honneurs, estats petits & haults, Connestablcs & Pairs, Mareschaulx, Admiraulx, Chevaliers, Presidens, & autre maint office

64 Qu'elle promet à fin qu'on luy face service.

Tous les peuples ^ estoyent envieux & ardents D'empoigner ceste bourse, & de fouiller dedans, Admiroyent son enfleure, & avoyent l'ame esmeuc

68 D'extrême ambition, si tost qu'ils l'avoycnt veuc : Ils ne pensoyent qu'en elle, & sans plus leurs desseins Estoient de la surprendre, & d'y mettre les mains : Et pource ils accouroyent autour de l'escarcelle,

72 Comme guespes autour de la grappe nouvelle.

Quand quelqu'un murmuroit, soudain ell' l'appaisoit,

Car de sa gibecière un leurre elle faisoit,

Qu'elle monstroit au peuple, & comme trop légère,

76 Aux uns estoit marastre, aux autres cstoit mère. L'un devenoit content, sans estre tormenté. L'autre attendoit vingt ans sans estre contenté,