Imité de Virgile, En. I, 327 sqq

b LA PROMESSE

lo^ Me respond à son tour, Ronsard, je suis Promesse, Dont le pouvoir hautain, superbe & spacieux Commande sur la mer, en la terre & aux cieulx : La troupe que tu vois me suit à la parolle

io8 Et pour un petit mot qui de ma bouche voile Je suis crainte & servie, & si puis esbranler ' Le cueur des plus constans, m'ayans oûy parler : J'habite ces palais & ces maisons Royalles,

112 Je loge en ces chasteaux & en ces grandes salles Qui ont les soliveaux argentez et dorez, Superbes en piliers de marbre elabourez : Les Roys, les Empereurs, les Seigneurs & les Princes

ii6 Ne peuvent rien sans moy : je garde leurs provinces, Je flate leurs subjects, & puissante je fais La guerre quand je veux, les trêves & la paix : Je destruy les citez, je perds les Republiques,

120 Je corromps la justice & les loix politiques,

Je fay ce que je veux, tout tremble dessous moy. Et ma seule parole est plus forte qu'un Roy. Le soldat pour m'avoir abandonne sa vie,

124 Celle du marinier des ondes est ravie.

Flottant à mon service : & tout homme sçavant Pour penser m'acquerir, met la plume en avant. Le barbu philosophe en son cueur me désire,

128 Le théologien en ma faveur respire. Le poëte est à moy, à moy l'historien. L'architecte & le peintre, & le musicien : L'advocat en mon nom preste sa conscience.