C.-à-d. : à la place de, en échange du creux

Vont par les champs de rang, comme ils souloient Aller l'esté quand les champs ils pilloient, Lors qu'ilz chargeoient sur leur dos porte-proye Les grains de blé par une estroitte voye '.

Ces animaux de nouveau transformés ^ De grands outils se virent tous armez : L'un plante aux champs une forte charrue, L'autre en ses mains porte une bisaigûe, L'un tient un van, l'autre tient un râteau, L'autre une serpe, & l'autre un grand couteau : Mais la plus part branloit armes guerrières, [8]

Haches, poignars, piques, lances fresnieres 5, De grands arcs d'Ifz, des flèches, des carquois, Et sur le dos leur sonnoit le harnois. Race de gens vaillante & magnanime, Aspre au combat, &qui guerrière estime L'homme estre heureux & comblé de bon heur Quand par la vie il achepte l'honneur.

Adonc Proté voyant tant de gensd'armes Qui desiroient de nature les armes, Pareilz en aage, en force & en vigueur, De tel propos leur mollissoit le cœur :

Contentés vous, enfans, de vostre terre, Et si ardans ne coures à la guerre:

Comme amoureux du sang ne batailles,