I. A rapprocher d'une description analogue, t. VII, p

L'un est veincu, & l'autre triomphant.

Tout à l'entour sont les Ducs & les Contes, Que toy, Fortune, en un jour tu surmontes, Et de pompeux les fais aller seulets, De grands seigneurs transformés en vallets.

Auprès du trosne estoient grandes Princesses, Roynes de nom, Marquises & Duchesses, Qui venoient voir Europe bien souvent : L'une derrière & l'autre alloit d'avant Selon le rang, le sang & le lignage.

Elles, ouvrant à l'eguille un ouvrage, Bordoient ensemble à traits longs & parfaits De leur pais les gestes & les faits.

Et l'origine, & les longues Annales, Grand ornement des dignités Royalles.

Or aussi tost que l'Europe entendit La haute voix que la Famé espandit Au ciel, en mer & ça bas en la terre', Elle appella sa mignonne Angleterre, Luy commandant d'aller voir que c'estoit Que cette voix publiquement chantoit.

Tout aussy tost qu'Angleterre eut oùye [13] Telle nouvelle, elle en fut resjouye Et supplia la Famé de pouvoir (Pour le redire à l'Europe) aller voir Geste belle ame en beauté si parfaitte Qu'elle cornoit avecques sa trompette.

La Renommée adonq'se mist devant,