EN FORME DE BALLADE, A SES AMIS

Ayez pitié, ayez pitié de moy, A tout le moins, si vous plaist, mes amis ! En fosse giz, non pas soubz houx ne may, En cest exil ouquel je suis transmis Par fortune, comme Dieu l'a permis.

Filles, amans, jeunes, vieulx et nouveaulx, Danceurs, saulteurs, faisans les piez de veaux, Vifs comme dars, aguz comme aguillon; Gousiers tintans, clers comme gastaveaux^, Le lesserez là, le povre Villon?

Chantres chantans à plaisance, sans loy; Galans, rians, plaisans en faictz et diz, Goureux, allans, francs de faulx or, d'aloy^; Gens d'esperit, ung petit estourdiz; Trop demourez, car il meurt entandiz*.

Faiseurs de laiz, de motets et rondeaux, Quand mort sera vous lui ferez chandeaux^. Il n'entre, où gist*, n'escler ne tourbillon; De murs espoix on luy a fait bandeaux : Le lesserez là, le povre Villon?