XIV. — BALLADE Pour ung prisonnier

S'en mes maulx me peusse esjoyr Tant que tristesse me feust joye Par me doulouser et gémir, Voulentiers je me complaindroye; Car, s'au plaisir Dieu, hors j'cstoye J'ay espoir qu'au temps advenir A grant honneur venir pourroye Une fois avant que mourir.

Pourtant, s'ay en moult à souffrir Par fortune, dont je larmoyé, Et que n'ay pas peu obtenir N'avoir ce que je pretendoye, Au temps advenir je vouldroye Voulentiers bon chemin tenir Pour acquérir honneur et joye Une fois avant que mourir.

Sans plus loin exemple quérir.

Par moy mesme juger pourroye Que meschief nul ne peult fouyr, S'ainsi est qu'advenir luy doye.

C'est jeunesse qui tout desvoye; Nul no s'en doit trop esbahyr.

Si juste n'est qui ne fourvoyé^ Une fois avant que mourir.

Prince, s' aucun povoir avoye Sur ceulx qui me font cy tenir, Voulentiers vengeance en prendroye Une fois avant que mourir.