XVIII. — RONDEL

Ra\'y d'amours, despourveu de bon ssns.

Que penses-tu, quand à ce te consens.

De retourner au périlleux passaige Où as esté ? Par Dieu ! tu n'es pas saige : De ta franchise en servaige descens.

Advise-toy, employé tes cinq sens, A toy regarde et ton cas guecte et sens, Car les rencheuz ne l'ont pas dadvantaige, Ravy d'amours, despourveu de bon sens.

Se ne le fais, des fois l'heure cinq cens Tu mauldiras, et de tous biens absens Te trouveras; or metz en ton couraige Ce que tu dis, escheve ton dommaige.

Ou aultrement es de raison exemps, Ravy d'amours, despourveu de bon sens.