Boyture, boissoa

Ou nom de Dieu, comme j'ay dit, Et de sa glorieuse Mère, Sans péché soit parfaict ce dict Par moy, plus maigre que chimère, Si je n'ay eu fièvre efïimère^ Ce m'a faict divine clémence; Mais d'autre dueil et perte amère Je me tays, et ainsi commence :

Premier, je donne ma pauvre ame A la benoiste Trinité, Et la commande à Nostre Dame, Chambre de la divinité; Priant toute la charité Des dignes neuf Ordres des cieulx, Que par eulx soit ce don porté Devant le Trosne précieux.

Item, mon corps j'ordonne et laisse A nostre grand mère la terre; Les vers n'y trouveront gi-and gresse : Trop lui a faict faim dure guerre. Or luy soit délivré grand erre^ :