Le huiinet, la querelle, la rixe

Pour ce qu'il est linget et flou^ Et que Chollet est mal chassant, Ung beau petit chiennet couchant.

Qui ne lairra poulaille en voye, Le long tabart^, et bien cachant, Pour les musser, qu'on ne les voye.

Item, à l'orfèvre Du Boys.

Donne cent clouz, queues et testes, De gingembre sarazinoys, Non pas pour accoupler ses boytes, Mais pour conjoindre culz et coettes.

Et couldre jambons et andoilles, Tant que le laict en monte aux tettes. Et le sang en devalle aux coilles.

Au capitaine Jclian Riou, Tant pour luy que pour ses archiers.

Je donne six hures de lou, Oui n'est pas viande à porchiers, Prins à gros mastins de bouchiers^ Et cuittes en vin de buffet.

Pour manger de ces morceaulx chiers, On en feroit bien un mau faict*.