DE MESSIRE JEHAN COTEREAU, CHEVALIER, SEIGNEUR DE MAINTENON

C E L L U Y qui gist cy dessoubz consommé , Chevalier fut Jehan Cotereau nommé :

Qui en jeunesse eust un si grand bonheur ^ Qu'il deceda plein de biens et d'honneur. En ce bonheur fortune favorable Le feit servir soubz estât honnorable Un noble duc, qui après grand'souffrance ^ Au chef porta la couronne de France.

Ce fut Loys , de ce nom le douziesme , Que le deffunct suyvit en peine extresme Par tout , au pis de s^s adversitez , Puis se sentit de ses prosperitez :

Car estant roy (en bonne et vouluntaire Recorignoissance) il le feit secrétaire, Et trésorier des finances royales , Pour le loyer de ses vertus loyales.

'^Louis XII , étant duc d'Orléans , avait pris part aux troubles qui agitèrent la France , sous la re'gence de madame de Beaujeu. Fait prisonnier avec tous ses partisans , à la bataille de Saint-Aubin , en i488, il avait ete' conduit à la tour de Bourges et renferme dans une cage de fer.

Le maîstre mort, le servant souspira, Et pour repos , deslors se retira Icy chez luy , ou par dévote emprise Fonda , bastlt , et doua ceste église.

Ses bons subjeetz il voulut fréquenter , Et leur aprint à semer et enter Commodément , et à rendre fertile Ce qui estoit désert et inutile :

En leur faisant apporter de maint lieu Arbres divers. Puis mourant dit adieu A ses enfans^ qui sur luy ont posée Ceste epitaphe , et la tumbe arrosée De larmes d'œil par naturel debvoir.

Devant sa mort des ans pouvoit avoir Soixante et douze. O longue vie et belle , Ta longueur soit devenue éternelle.