DE LUY ENCORES

Je fuz Jehan Cotereau, qui quatre roys servy ,

Desquelz en bien servant la grâce deservy ,

Et dont fut le dernier Françoys premier du nom,

Soubz qui je trespassay seigneur de Maintenon,

Ayant ja servy France en son privé secret ,

Et en ses grans trésors que laissay sans regret ,

Pour venir cy attendre, en paix, de mort le jour,

Ou ce temple fonday pour mon dernier sejoifr.

liE FEUE MADAME DE MAINTENON.

Cy gist l'espouse au mary vénérable Jehan Cotereau, seigneur de Maintenon :

Femme jadis prudente et honnorable , De nom Marie , et Thurin de surnom.

Qui de beauté à bon droict eust renom ,

Et de vertu , à la beauté bien duite : L'une par temps Ta laissé , l'autre non : Car après mort , jusqu'au ciel l'a conduicte.

d'elle mesmes.

Cy gist qui fut de Maintenon la dame

Belle de corps , encor plus belle d'ame ,

Pour les haultz dons qu'elle eust du grand donneur.

Cy gist, qui fut exemplaire d'honneur

En ses beaulx ans pour toute femme exquise,

Ayant beauté désirée et requise -,

Si que ses ans jeunes tant décorez,

Rendirent fort ses vieux jours honnorez.

Ainsi vesquit , ainsi mourut Marie ,

Qui des Thurins anoblit l'armoirie.*