LIVRE II. 38t

Sans le rapport de luy , ne d'ame :

Vray est, qu'au propos que j'entame, Le roy serviroit bien d'un tiers.

Vous estes deux tesmoings entiers , Car l'un est dame , et l'autre maistre : Mais j'en crolrois plus voulun tiers Un enfant qui viendroit de naistre.

DE MADAME LA DUCHESSE d'ALENÇON.

Ma maistresse est de si haulte valeur, Qu'elle a le corps droict, beau, chaste et pudique: Son cueur constant n'est pour heur, ou malheur Jamais trop gay , ne trop mélancolique.

Elle a au chef un esprit angelique , Le plus subtil qui onc aux cieulx vola. O grand'merveille, on peult veoir par cela Que je suis serf d'un monstre fort estrange : Monstre je dy, car pour tout vray elle a Corps femenin, cueur d'homme, et teste d'ange.