DE MADAMOYSELLE DU PIN

L'arbre du pin tous les autres surpasse, Car il ne croist jamais en terre basse Mais sur baultz montz sa racine se forme , Qui en croissant prend si tresbelle forme Que par forestz , ou aucun autre endroict On ne sçauroit trouver arbre plus droict.

Qui touchera son escorce polie , Pour ce jour là n'aura mélancolie:

Marot adresse aussi l'Elrenne xyi à cette dame.

Au chef du pin sont feuilles verdoyantes , Et à son pied fontaines undoyantes.

Son boys est bon, ou couppë, ou entier :

S'il est couppc hors de son beau sentier ,

On en fera ou navire , ou gallee

Pour naviger dessus la mer sallee :

Et s'on le laisse en la terre croissant ,

Il deviendra fertile et fleurissant ,

Et produira une tresbelle pomme ,

Pour substenter le triste cueur de l'homme.

Par ainsi donc en terre, et sur la mer

Ton noble cueur le pin doibt estimer.