DE SA MERE PAR ALLIANCE

O I mon poil noir en blanc se tainct , Comment seroit ce de vieillesse ?

Ma mère est en fleur de jeunesse, Et n'est au monde un si beau tainct.

Car le sien tous autres estainct :

De la veoir faictes moy la grâce , Mais ne contemplez trop sa face, Que d'aymer n'entriez en esmoy, Et que sa rigueur ne vous face Vieillir de langueur , comme moy.

A SA COMMERE.

Pardonnez moy, ma commère m'amye,

Si devers vous bien tost ne puis aller ,

A bon vouloir certes il ne tient raye,

Car pour souvent avecques vous parler,

De paradis je vouldrois devaller.

Que voulez vous ? la fortune à présent

Ne me permet de service estre exempt.

Mais maulgré elle en brief temps qui trop dure,

Vous reverray , et si m'aurez présent

Ce temps pendant de cueur , et d'escripture.